السبت, 24 مارس 2018 14:12

النائب فيصل التبيني ليوسف الشاهد : "قتلك أخزر جاي و ما تخافش "

كتبه 
قيم الموضوع
(0 أصوات)

كتب على صفحته الرسمية بموقع التواصل الاجتماعي فايسبوك النائب فيصل التبيني ليوسف الشاهد رئيس الحكومة قائلا . تذكر وقت قتلك اخزر جاي و ما تخافش

" , و اعتبر في التدوينة ان وقفة يوسف الشاهد امام البرلمان امس هي وقفة الوداع قبل نوايا اقالته من قبل التوافق الحاكم 

و فيما يلي نص التدوينة 

اللي ما يخدمشي الفلاحة اطيح فيه ...

سي يوسف الشاهد :
سمعت خطابك بالكلمة و اسميتها " خطبة الوداع "... 
سي يوسف في اول جلساتنا في البرلمان ڨتلك " أخزرلي جاي ما تخافش " 
حبيتك تخزر لنوايانا في العمل الجاد ..
في تطوير الاقتصاد و اعطاء الاولية القصوى للفلاحة الي كي حڨرتها و عطيتها لوزير فاشل " طاحت فيك وفيه وفي الشيوخة اللي حطوك غادي في بلاصة الصيد بعد ما كملوا بيه خدمتعم " ... 
ڨتلك أخزر جاي يا يوسف للشعب و اسمع مطالب جيهاتو المهمشة و المفقرة والمحرومة لحسابات معلومة ... 
ڨتلك يا يوسف أخزر جاي و ما تخافش من لوبيات الفساد والمفسدين رانا نعرفوهم واحد واحد وما يڨدوناش .. 
ڨتلك أخزر جاي و ما تخافش من الزوز شيوخة والنهضة و النداء راهم أصل الفساد و الداء ورانا نعرفوهم ونعاركوهم ونكاشفوهم ونعروهم ونغلبوهم بالصدق و خدمة الشعب....
ڨتلك يا يوسف أخزر جاي للفلاحة و الفلاح و ما تخافش من مؤشرات لاقتصاد الطايحة راهي فلاحتنا تنجم تعوض الخساير في القطاعات الأخرى التي أصبحت عالة على تونس وشعبها واكبر مهدد لانهيار لاقتصادنا الوطني ... 
ما خزرتش يا شاهد ..... 
وصدقت الزوز شيوخة ومن وارءهما النهضة و النداء اللي عملوك مشروع رئيس حكومة امرمد كيما صار للصيد قبلك ...

اليوم وفي "خطبة الوداع " في جلسة الوداع شفت رئيس حكومة وحيد تخلوا عليه الزوز شيوخة واعطوا الاوامر لحزببهما لعزله وبالتوافق مثلما نصباه وحطوه في تركينة و هو وحدو يصارع باش يحافظ على كرسيه .....
يوسف الشاهد الجماعة كملوا بيك خدمتهم و لازم تتكى على شيرة.....
سي يوسف الشاهد رئيس حكومة اتفاق قرطاج : 
★ما كنتش متمكن و كنت خايف همشت الملفات الكل لتقديم الترضيات للشيوخة الزوز واحزابهما و فشلت .... 
★كرست للمركزية على حساب الجهات .... 
★رفعت شعار محاربة لفساد ياخي زاد ...
★رفعت شعار التنمية توقف الانتاج ....
★رفعت شعار الاستثمار ياخي طاح الدينار .......... 
يا يوسف اخزر جاي راهي السياسة موش شعارات و الدولة راهي فعل حقيقي تشوفو عالواقع 
......................

سي يوسف الشاهد كان سمعت لكلام و خزرت جاي وما خفتش راهي الأمور خير من هكا ببرشا ليك وللبلاد ...
للاسف هذا البلد دايرة بيه ذيوبة يا يوسف تنهش فيه تحت عنوان توافق ، تمشي حكومة و تجي حكومة و الحال على ماهو

ملاحظة: هذا تعليق على كلمة الشاهد بمجلس النواب اليوم
دائرة إعلام
النائب فيصل التبيني

 

قراءة 732 مرات

  تابعونا على:

كاريكاتور اليوم

Has no content to show!

فيديوهات الخبر

 

 

المتواجدون حالياً

216 زائر، ولايوجد أعضاء داخل الموقع

رياضة وطنية

رياضة عالمية

ثقافة و فنون